చంచలస్వభావం నీ వెంటే వుంటుంది. నిన్నెప్పుడు వదలదు. దానికి వయోబేధం లేదు. నీకు వయస్సు వచ్చినా చంచలస్వభావం పోదు. అది నిత్యనూతనంగా, చైతన్యవంతంగా వుంటుంది. చంచలాదేవిని మరిచిపోవాలి. దాని మీద దృష్టి పెట్టకు. నువ్వు ముసలివాడవు అవుతున్నావని యమధర్మరాజు దయ చూపిస్తాడా, వదలిపెట్టడు, సమయం చూసి పట్టుకుంటాడు కనుక చంచలాదేవిని ఎలాగైనా సరే నీ మనస్సు నుంచి తీసేయాలి. అదే మార్గం.
